ბექა ბროლაძემ ნათია მიქაძეს უთხრა, რომ მისნაირი გოგონები ძალიან მოსწონდა. მათი საუბარი ერთმანეთისთვის პირველი შთაბეჭდილებების გაზიარებით დაიწყო. ბექა გამოტყდა, რომ თავიდან ნათია მაგარი ”სვეტსკი” და მეტიჩარა გოგო ეგონა. მერე ისიც აღნიშნა, რომ მისი შეყვარებულები ზუსტად ნათიასნაირი გოგონები იყვნენ. ნათიამ ბიჭებისგან კომპლიმენტებიც დაიმსახურა, ბექამ მის სახეს ავანგარდული და ორიგინალური უწოდა, გიორგი ჯალაღანიამ კი უთხრა, ძალიან მეტყველი თვალები გაქვსო. მოსაწევი ოთახიდან გასვლისას ბექა ბროლაძე ნათიას გაეხუმრა, ასე რომ, მიფრთხილდიო. ეს სასიყვარულო მოზღვავება მათი მეგობრული გადახვევით დასრულდა. მეორე ოთახში გიორგი ერგემლიძე დანარჩენებს თავისი ძველი სიყვარულის ისტორიას უყვებოდა. ბექა ბროლაძემ ხმამაღლა აღნიშნა, რომ დღეს აკადემიაში სიყვარულის მოზღვავება იგრძნობოდა.
ვარსკვლავების აკადემიის სტუდენტები კვებას უჩივიან. მათ ყოველ დღე მზა კერძებით ამარაგებენ. ამით განებივრებულები, როგორც კი დროს მოიხელთებენ, ჭამენ.მეცადინეობებს შორის, ძილის წინ და ღამის საათებში ჩვენს მოშიებულ სტუდენტებს ხშირად ნახავთ სამზარეულოში. კვებაში რეჟიმს არ იცავენ. არც საკვების რაოდენობას აკონტროლებენ, და უზომოდ ბევრს მიირთმევენ.დღეს დილით მიშამ დაიჩივლა, რომ მუდამ შია და საჭმელი არ ჰყოფნის. ანიმაც დაიწუწუნა, ოღონდ რაციონთან დაკავშირებით. კონტრარგუმენტი მარიკო ებრალიძემ მოუყვანა, ჩვენ, მსუქნებს, ნუ გვაბრალებთ, რომ საჭმელი არ რჩება, ჩვენ ერთჯერად კვებაზე ვართ გადასულიო. მერე მიშას მიუბრუნდა და უთხრა, შენ არ იყავი, გუშინ ერთი საათის განმავლობაში შვიდჯერ რომ ჭამეო.თუ ასე გააგრძელეს, ჩვენს მომავალ ვარსკვლავებს შეიძლება მალე დიეტოლოგის რჩევები დასჭირდეთ.
ქორეოგრაფები ლორა აუთლო და თეა გობეჯიშვილი დღესაც მკაცრები იყვნენ. სტუდენტები მათ დავალებებს ასრულებდნენ, თუმცა ხანდახან ავიწყდებოდათ, რომ ვარჯიშის დროს ჭორაობა აკრძალულია.ლორა შენიშვნებს ლაპარაკთან დაკავშირებით ხშირად აძლევდა, ბოლოს ყველას თვალწინ გააკეთა სტუდენტების არასერიოზული ქცევის ინსცენირება, რითაც კონკურსანტების აპლოდისმენტები დაიმსახურა. მერე ხაზი გაუსვა იმას, რომ სცენაზე ლაპარაკი და არასერიოზული მოქცევა არ შეიძლება. სტუდენტებმა ჯერ წაივარჯიშეს, მერე იმ ცეკვის რეპეტიცია გაიარეს, რომლითაც კონცერტზე ერთად უნდა გამოვიდნენ. ლორა ფანჯრის რაფაზე შემომჯდარი თვალს ადევნებდა და მათ უხერხულ მოძრაობებზე ბევრს ხალისობდა.
კონცერტამდე სულ უფრო და უფრო ცოტა დრო რჩება. სტუდენტები სიმღერებს ამზადებენ და ხარვეზების აღმოფხვრაზე მუშაობენ. მიუხედავად იმისა, რომ ამ პროექტში ერთმანეთის კონკურენტები არიან, ჩვენი მომავალი ვარსკვლავები ერთმანეთს მაინც ეხმარებიან.ყველა დიდ ოთახში იყო შეკრებილი. მიშა სულუხია თავისთვის ღიღინებდა. მისი შესრულება ნათიას არ მოეწონა და რჩევები მისცა სიტყვების გამოთქმასთან დაკავშირებით. გიორგი და ბექაც ნათიას აჰყვნენ და მიშას ასწავლიდნენ ინგლისური სიტყვების სწორად წარმოთქმას. ვოკალის გაკვეთილზე ლევანს ნიკა როყვას დახმარება დაავალეს.გიორგი ერგემლიძე გიორგი ჯალაღანიას ეხმარებოდა რეპეტიციაში, ქეთი ორჯონიკიძე კი მარგო ლუჩკოს ასწავლიდა, რომელ სიტყვაზე როგორ გაეღო პირი. მოგვიანებით ნათია მიქაძე და ქეთი ორჯონიკიძე ცალკე ოთახში განმარტოვდნენ, მუსიკა ჩართეს, მღეროდნენ და ერთმანეთს შენიშვნებს აძლევდნენ, თან ერთმანეთს ”მასწ”-ით მიმართავდნე
... სრულად წაკითხვა>>
ახლოვდება კვირის კონცერტი, როდესაც გაგდების კანდიდატები პირველად უნდა დასახელდნენ. ჩვენს კონკურსანტებს ნერვიულობა დაეტყოთ.ნერვიულობაზე ლაპარაკი პირველად დიტო ლაგვილავამ წამოიწყო. მან აღნიშნა, რომ კონცერტზე გამუდმებით ფიქრობდა, რადგან აქ წყდებოდა მათი დარჩენა-არ დარჩენის საკითხი. შემდეგ გიორგისთან დაიჩივლა ხმას ძალას ვერ ვატანო. გიორგიმაც განაცხადა ხმა ”მიჯდებაო”. ცალკე გოგონები არკვევდნენ, ვის უფრო რთული ტექსტი ჰქონდა. როგორც აღმოჩნდა, ყველაზე ცუდ მდგომარეობაში ამ მხრივ ქეთი ორჯონიკიძე და მარგო ლუჩკო იყვნენ. ნინო ღავთაძე იმაზე ნერვიულობდა, რომ თავის იტალიურ სიმღერას იმპროვიზაცია ვერ მოუგონა. ტექსტის შინაარსიც კარგად არ ესმოდა. მხოლოდ ის იცოდა, რომ სატირალი ტექსტი ჰქონდა და კაცეს უმღეროდა.ერთმანეთს სიგარეტის მოსაწევ ოთახში გადაუშალეს გული. ყველაზე გულახდილი ნათია მიქაძე იყო. მან განაცხადა, ოღონდ მე არადა და სხვა ვინც უნდა ი
... სრულად წაკითხვა>>
საღამოს აკადემიას მოულოდნელად გეგა ფალავანდიშვილი ეწვია. ის მთელი დღე ადევნებდა თვალს აკადემიის სტუდენტებს და მათი საქციელით უკმაყოფილო დარჩა.გეგამ ყველა საცეკვაო დარბაზში დაიბარა. მან აღნიშნა, რომ მისი ვიზიტის მიზეზი სტუდენტების უსაქმურობა და ძვირფასი დროის ფლანგვა იყო. მისი კრიტიკა მხოლოდ მარგო ლუჩკოს არ ეხებოდა.პირველად გეგა ფალავანდიშვილმა მათ დაგვიანებას გაუსვა ხაზი და კიდევ ერთხელ გააფრთხილა, რომ თუ მეცადინეობებზე დროზე არ მივიდოდნენ, ის მასწავლებლებს კარის ჩაკეტვას სთხოვდა და გაკვეთილებზე აღარ დაუშვებდა. ურჩია მასწავლებლების კეთილგანწყობით არ ესარგებლათ და საქმეს პასუხისმგებლობით მოკიდებოდნენ, ბევრი ემუშავათ და რეპეტიციები გაევლოთ, რადგან კონცერტამდე სულ რაღაც ოთხი დღე დარჩა, ამიტომ უნდა იაქტიურონ, ცეკვის გაკვეთილზე უნდა იცეკვონ, ვოკალის გაკვეთილზე იმღერონ, და არა ეძი
... სრულად წაკითხვა>>
მიუხედავად იმისა რომ ჩვენს სტუდენტებს ბევრი დრო აქვთ, ისინი ამ დროს გართობაში ფლანგავენ. რეპერტუარის გადანაწილების მეორე დღეს კონკურსანტებს მასწავლებლებთან შეხვედრა ჰქონდათ. არც ერთმა სიმღერის ტექსტი ზეპირად არ იცოდა.არც ერთ მათგანს ტექსტი წინა საღამოს არ უსწავლია მიუხედავად იმისა, რომ ძალიან ბევრი თავისუფალი დრო ჰქონდათ და სახლშიც ყველა პირობაა შექმნილი იმისთვის, რომ კონცერტისთვის კარგად მოემზადონ. ზოგიერთმა სიტვების დაზეპირება ვოკალის გაკვეთილის წინ დაიწყო. მასწავლებლებმა ისიც შეასხენეს, რომ პირველ კონცერტამდე ისინი ერთი თვე ემზადებოდნენ, ახლა კი მხოლოდ ერთი კვირა აქვთ. მანანა მორჩილაძემ მონაწილეებს უთხრა, რომ ისინი მხოლოდ ცნობადი სახეები არ უნდა გახდნენ, პროექტის მიზანი ეს არ არის. მთავარია ისინი კარგ მომღერლებად ჩამოყალიბდნენ. შენიშვნების მერე რეპეტიციებზ
... სრულად წაკითხვა>>
აკადემიის მოსწავლეებმა დილით პედაგოგების შესვლა ვერ გაიგეს. დღის გრაფიკი არც ერთს არ ახსოვდა. მასწავლებლებმა საკლასო ოთახში მუსიკა ხმამაღლა ჩართეს, მხოლოდ ამის მერე მიხვდნენ კონკურსანტები, რომ 11:30 მათ ვოკალის გაკვეთილი ეწყებოდათ და საკლასო ოთახში შევიდნენ, ყველა, ლევან დობაძიშვილის გარდა. ის ამ დროს მშვიდად შხაპს იღებდა და სარკესთან წესრიგდებოდა და საკლასო ოთახის კარი შუა მეცადინეობაში შეაღო.პედაგოგებმა სტუდენტებთან შეხვედრა შენიშვნებით დაიწყეს. მანანა მორჩილაძემ დაგვიანებასთან დაკავშირებით ყველა მკაცრად გააფრთხილა. უთხრა, რომ ეს აკადემიაა და აქაც ისევე უნდა იარონ, როგორც ჩვეულებრივ სასწავლებელში დადიან. 11:30 საათზე ყველა უკვე საკლასო ოთახში უნდა იყოს და მასწავლებლები არ უნდა ალოდინონ. ამის მერე პედაგოგები კონკურსანტებთან ერთად რეპეტიციაზე გადავიდნენ.
ჩვენი მონაწილეები ყოველ დილით 09:30 ცეკვის დარბაზში უნდა იყვნენ, სადაც მათ მწვრთნელი დახვდება და დილის გამამხნევებელ ვარჯიშებს გააკეთებინებს.დღევანდელი დილაც ვარჯიშით დაიწყო. ჩვენს კონკურსანტებს ადრე მოუხდათ ადგომა, მიუხედავად იმისა, რომ ყველა გამოუძინებელი იყო. ისინი ნახევარი საათის განმავლობაში აერობიკულ ვარჯიშებს აკეთებდნენ და კუნთებს ახურებდნენ. მერე კი აუჩქარებლად შხაპი მიიღეს და ჩაიცვეს.თუმცა ვარჯიშებს ჩვენი მონაწილეები არ გამოუფხიზლებია, რადგან ვოკალის გაკვეთილზე ყველა ინერტული იყო, ნათია მიქაძეს ჩაეძინა კიდეც.
